ஒவ்வொரு ஆதார் அட்டைக்கும் ரூ.4,78,000 மத்திய அரசு கடன் தருகிறதா? இதோ முக்கிய தகவல்!
இன்றைய காலகட்டத்தில் எந்த வேலைக்கும் ஆதார் கார்டு பயன்படுத்தப்படுகிறது என்பதை உங்களுக்கு தெரிந்ததே. இப்படிப்பட்ட நிலையில், ஆதார் அட்டையில் மத்திய அரசு உங்களுக்கு கடன் வசதி செய்து தருகிறதா?
அரசு கடன் கொடுக்கிறதா?
சமீபத்தில், ஆதார் வைத்திருப்பவர்களுக்கு அரசாங்கம் 4,78,000 ரூபாய் கடன் வழங்குவதாகக் கூறப்படும் ஒரு செய்தி சமூக ஊடகங்களில் பெருகிய முறையில் வைரலாகி வருகிறது. இந்த செய்தியின் உண்மையை தற்போது பார்போம்.
இந்த தகவல் முற்றிலும் போலியானது என்று தீர விசாரணை செய்ததில் தெரிய வந்துள்ளது. எனவே இந்த செய்தியை யாரும் நம்ப வேண்டாம்.
இந்த செய்தி போலியானது
இப்படி ஒரு திட்டம் எதுவும் மத்திய அரசால் செயல்படுத்தப்படவில்லை. இதுகுறித்த விசாரணையில் இந்த செய்தி போலியானது என கண்டறியப்பட்டுள்ளது. மேலும், இதுபோன்ற வைரல் பதிவுகளை யாரிடமும் பகிராமல் கவனமாக இருக்குமாறும் கேட்டுக் கொள்ளப்பட்டுள்ளனர்.
உண்மையைச் சரிபார்க்கும் செயல்முறை
சமூகவலைத்தளங்களின் சகாப்தத்தில், பல நேரங்களில் தவறான செய்திகள் வைரலாகத் தொடங்குகின்றன என்பதை உங்களுக்கு தெரிந்ததே. உங்கள் சமூக ஊடக கணக்கு அல்லது வாட்ஸ்அப்பில் ஏதேனும் செய்திகள் வருவது குறித்து உங்களுக்கு சந்தேகம் இருந்தால், அதை PIB மூலம் உண்மையைச் சரிபார்க்கலாம். இதற்கு https://factcheck.pib.gov.in/ என்ற அதிகாரப்பூர்வ இணைப்பைப் பார்க்க வேண்டும். இது தவிர, 8799711259 என்ற வாட்ஸ்அப் எண்ணிலோ அல்லது pibfactcheck@gmail.com என்ற மின்னஞ்சலிலோ தகவல்களை அனுப்பலாம்.
