முதலீட்டாளர்களுக்கு உற்சாகத்தை அளிக்கும் வகையில், ஏப்ரல்-ஜூன் 2023 காலாண்டில் சிறு சேமிப்பு திட்டங்களின் வட்டி விகிதத்தை 70 பிபிஎஸ் வரை மத்திய அரசு உயர்த்தியுள்ளது. மூத்த குடிமக்கள் சேமிப்புத் திட்டம், மாதாந்திர வருமான சேமிப்புத் திட்டம், தேசிய சேமிப்புச் சான்றிதழ், கிசான் விகாஸ் பத்ரா, அனைத்து அஞ்சலக நேர வைப்புத் திட்டம் மற்றும் சுகன்யா சம்ரித்தி கணக்குத் திட்டம் போன்ற திட்டங்களின் வட்டி விகிதங்கள் உயர்த்தப்பட்டுள்ளதாக மத்திய நிதியமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது. .
ஏப்ரல் 1 ஆம் தேதி தொடங்கும் காலாண்டில் சில சிறு சேமிப்பு திட்டங்களுக்கான வட்டி விகிதத்தை அமைச்சகம் 70 அடிப்படை புள்ளிகள் வரை உயர்த்தியுள்ளது என்று நிதி அமைச்சகம் அறிக்கை கூறுகிறது. இருப்பினும், பொது வருங்கால வைப்பு நிதியின் பிபிஎஃப் வட்டி விகிதம் மாறாமல் 7.1% ஆக உள்ளது.
மூத்த குடிமக்கள் சேமிப்புத் திட்டம்
மூத்த குடிமக்கள் சேமிப்புத் திட்டத்தின் வட்டி விகிதம் ஜனவரி-மார்ச் 2023 காலாண்டில் 8 சதவீதத்தில் இருந்து ஏப்ரல்-ஜூன் 2023 காலாண்டில் 8.2 சதவீதமாக 20 அடிப்படை புள்ளிகளால் உயர்த்தப்பட்டுள்ளதாக நிதி அமைச்சகம் தெரிவித்துள்ளது.
தேசிய சேமிப்புச் சான்றிதழ்
தேசிய சேமிப்புச் சான்றிதழின் (என்எஸ்சி) வட்டி விகிதத்தை ஜனவரி - மார்ச் 2023 காலாண்டில் 7 சதவீதத்தில் இருந்து ஏப்ரல் - ஜூன் 2023 காலாண்டில் 7.7 சதவீதமாக மத்திய அரசு உயர்த்தியது.
தபால் அலுவலக கால வைப்பு
அனைத்து தபால் அலுவலக கால வைப்புத்தொகைகளின் வட்டி விகிதங்கள் 1 முதல் 5 ஆண்டுகள் முதிர்ச்சியுடன் 10 முதல் 50 அடிப்படை புள்ளிகள் வரை உயர்த்தப்பட்டுள்ளன.
சுகன்யா சம்ரித்தி யோஜனா
சுகன்யா சம்ரித்தி யோஜனா திட்டத்தின் வட்டி விகிதம் 7.6 சதவீதத்தில் இருந்து 8 சதவீதமாக உயர்த்தப்பட்டுள்ளது.
கிசான் விகாஸ் பத்திரத்தின் வட்டி விகிதம் 7.2 சதவீதத்தில் இருந்து 7.6 சதவீதமாக உயர்த்தப்பட்டது. ஒன்று, இரண்டு, மூன்று மற்றும் ஐந்தாண்டுகளுக்கான கால வைப்புகளுக்கான வட்டி விகிதத்தையும் அரசாங்கம் உயர்த்தியது. மாதாந்திர வருமான கணக்கு திட்டத்திற்கான வட்டி விகிதமும் முந்தைய 7.1 சதவீதத்தில் இருந்து 7.4 சதவீதமாக உயர்த்தப்பட்டுள்ளது.
https://twitter.com/FinMinIndia/status/1641770898008190977
